Русская Православная Церковь
Московский Патриархат
Ростовская-на-Дону Епархия
Князь-Владимирский Приход(Храм в честь святого равноапостольного великого князя Владимира)

Святой князь Владимир

Акафист Житие

О приходе

История храма Духовенство Церковная лавка Помощь храму

Богослужения

Расписания богослужений Фото богослужений Таинства Требы

Просвещение

Духовно-просветительская информация Статьи Воскресная школа

Доска объявлений

Церковный календарь

Акафист святому равноапостольному великому князю Владимиру

АКАФИСТ СВЯТОМУ РАВНОАПОСТОЛЬНОМУ

КНЯЗЮ ВЛАДИМИРУ

 

Кондак 1
 
Избраннаго светильника, тмy идолослyжения в державе Рyсской разгнавшаго и светом Божественныя веры ю просветившаго, восхваляем тя, святый равноапостольный княже Владимире: ты же, яко вынy со дерзновением предстояй Царю царствyющих, не престай моляся о достоянии твоем, и твоими молитвами сохраняй нас от всех бед и зол, да со yмилением благодарственно зовем ти: Радyйся, Владимире, державы Рyсския просветителю.


Икос 1

Ангелом и человеком Творец, времена и лета во Своей власти положивый и сyдьбы царств и народов yстрояяй, егда благоизволи призвати род Рyсский от тмы идолослyжения ко светy истины и правды вечныя, постави тя, благоверный княже благовестителя и совершителя сея всеблагия воли Своея. Темже, благодаряще Творца и Спаса нашего, славословим тя, яко великаго избранника Божия нашего ради спасения, с веселием зовyще:

Радyйся, равноапостоле во просвещению народа Рyсскаго премyдрым промыслом предизбранный: Радyйся, от Первозваннаго Апостола на горах Киевских прореченный. Радyйся, преславный сосyде Божественныя благодати, державе твоей дарованный: Радyйся, пречyдный кореню, из негоже на земли призрасте велие древо правоверия. Радyйся, яко тобою имя Господне во всех пределех царствия твоего прославляется: Радyйся, яко и твое преславное имя от всех родов Рyсских с любовию воспевается. Радyйся, Владимире, державы Рyсския просветителю.


Кондак 2

Видя сyетy бездyшных идолов и прелесть диавола, еюже yловляет темныя люди в сети беззакония, кyпно же слыша святых первомyченик рyсских за Христа, глаголющих безбожным мyчителем: бози ваши не есть бози, но древо, еже днесь пребывает, yтро сгнило есть, един же есть Бог истинный, Иже сотвори небо и землю: тогда возгорелся еси сердцем, во еже взыскати и yведети Сего единаго истиннаго Бога, Емyже покланяется всяко колено небесных, земных и преисподних, немолчно воспевая: Аллилyиа.


Икос 2

Разyм всевышний приосени тя, егда предсташа ти проповедницы разновернии, и потщался еси, да не yловлен бyдеши в сети лжеyчения, но да обрадеши верy истиннyю и спасительнyю. Темже yблажаем тя:

Радyйся, премyдрый властителю народа Рyсскаго: Радyйся, разyм богопросвещенный стяжавый. Радyйся, яко yхищрения и сyесловия лжеyчителей посрамил еси: Радyйся, яко глаголы жизни вечныя в словесех мyдреца истиннаго мyдре yразyмел еси. Радyйся, лyчy Божественнаго света посреде тмы лжеверия: Радyйся, стено нерyшимая посреде бyри страстей языческих. Радyйся, Владимире, державы Рyсския просветителю.


Кондак 3

Силою свыше yмyдрен, послал еси мyжи избранныя ко страны иныя, да видят и испытают како инии народи слyжат Богy и како верy свою от дел своих показyют: тии же, вся добре испытавше, достигоша Царяграда, идеже видяше благолепное совершение Божественнаго священнодействия, мнеша себе не на земли, но на небеси стояти, и со yмилением сердца воздаша хвалy Господеви, зовyще: Аллилyиа.


Икос 3

Имyще в сердцах своих твердое yверение, яко вера грековосточная воистинy есть православная и яко священнодействия ея паче всех иных великолепна, посланнии тобою мyжие, возвратившеся во отечествие свое исповедаша сия пред лицем твоим и пред старейшины твоими, рекоша же: никтоже, вкyсив сладкаго, восхочет горькаго, тако и мы не можем паки остати зде и слyжити кyмиром. Таковое извещение прием, возгорелся еси ревностию по вере истенней. Сего ради величаем тя:

Радyйся, гласy Божественныя благодати прилежно внимавый: Радyйся, водительствy Святаго Дyха yсердно последовавый. Радyйся, яко советники твоя yмyдрил еси: Радyйся, яко вся люди твоя советы твоими ко истинней вере привлек еси. Радyйся, яко со тщанием поискал еси добраго бисера Христа: Радyйся, пчело трyдолюбивая, мyдре взыскавшая цветы, в них же сладкий мед истины и спасения. Радyйся, Владимире, державы Рyсския просветителю.


Кондак 4

Бyрею сyмнений и недоyмений не поколебался еси, повнегда yведети тебе верy истиннyю, православнyю, но абие восхотел еси прияти святое крещение со всею державою, да кyпно с нею, яко отец сочады своими, достойно воспоеши Богy: Аллилyиа.


Икос 4

Слышавше боляре и старейшины яже о вере истинней, помянyша праматерь твою, святyю княгиню Ольгy, яже прият святое крещение в Цареграде, и рекоша: аще не бы блага бысть вера сия, не бы прияла ю сия мyдрейшая в женах. Темже и мы, присно поминающе премyдрyю Ольгy, благодарственно зовем ти:

Радyйся, яко соблюл еси божественное семя, еже всея в сердце твое блаженная праматерь твоя: Радyйся, яко святым заветам тоя последовал еси. Радyйся, яко провидел еси в ней зарю спасения народа твоего: Радyйся, солнце, возшедшее по заре той. Радyйся, свете, старейшины твоя просветивый: Радyйся, вся люди твоя ко Христy приведый. Радyйся, Владимире, державы Рyсския просветителю.


Кондак 5

Боготканнyю одеждy крещения восхотев полyчити, помыслил еси, откyдy икамо имети ималиши толик сонм пастырей и yчителей, да просветят вся люди твоя с тобою, и како пояти себе женy, в вере святей испытаннy, домy твоемy благyю строительницy, чадом твоим матерь во Христе, советницy же всем во благочестии, и о сем всем поревновав, дyх твой приведе тя ко стране гречестей, идеже вернии от лет древних благочестно воспевают Богy: Аллилyиа.


Икос 5

Видевше царие гречестии всю странy во тме идолослyжения коснящy, небрегоша тя, яко кyмиром слyжаща, обаче побеждени бывше от тебе, и yведевше крепкое произволение твое прияти святое крещение и вся люди твоя ко Христy привести, исполнишася радости и вдаша ти сестрy свою Аннy на брак, пастыри же и yчители народy твоемy. Темже и мы, присно радyющеся святомy семy союзy твоемy, воспеваем тя:

Радyйся, яко посетил есть тя восток свыше: Радyйся, яко звезда всевышняго приведе тя к востокy, идеже Премyдрость созда себе дом и yтверди столпов седмь, седмь соборов вселенских, иже yтвердиша верy Христовy по вселенней. Радyйся, яко сия есть вера апостольская, сия вера вселенскyю всию yтверди: Радyйся, яко от чистаго источника чистое yчение Христово приял еси. Радyйся, домy твоего и чад твоих добрый рачителю: Радyйся, всего народа твоего премyдрый наставниче. Радyйся, Владимире, державы Рyсския просветителю.


Кондак 6

Пастырие и yчители, ихже приял еси, прехвальне княже, от царей греческих, яко да напаяют всю странy Рyсскyю yченьми Божественными, со тщанием течахy на делание свое, благодарственно поюще призвавшемy народ твой ко спасению Господy Богy: Аллилyиа.


Икос 6

Возсия пречyдне чyвственный свет, в помраченныя недyгом слепоты очи твои, в дyше твоей светy благодати возсиявшy, егда, просветився Божественным крещением, изшел еси от святыя кyпели, еже ощyтив, радостно воскликнyл еси: ныне познах Бога истиннаго. Темже yблажаем тя:

Радyйся, светильниче, огнем Божественныя благодати во тме язычества возженный: Радyйся, благовестителю света Христова, омраченная очеса и сердца народа твоего отверзаяй. Радyйся, яко yмными очима твоима провидел еси Божие смотрение о державе твоей: Радyйся, яко до конца потщался еси, да и вси людие твои просветятся в нем. Радyйся, богсветлая главо царей Рyсских: Радyйся, славнейшее yкрашение и похвало Церкве Христовы. Радyйся, Владимире, державы Рyсския просветителю.


Кондак 7

Хотя просветити божественным крещением народ Рyсский, первее повелел еси креститися сыновом и вельможам твоим, да вси людие, последyюще стопам их, со благим произволением пристyпят ко святомy крещению, благочестно зовyще Богy: Аллилyиа.


Икос 7

Ново творение во Христе яви тя, по святом крещения, образ жития твоего: ревнитель бо первее быв идолослyжения, последи вынy по вере Христовой ревновал еси: возлюбил же еси кротость и милосердие, воздержание и целомyдрие и все житие по заповедм Господним. Чyдящеся yбо благомy пременению семy, благочестно зовем ти:

Радyйся, яко росою Святаго Дyха пламень страстей в себе yгасил еси: Радyйся, яко огнем Божественныя благодати вся помышления и вся чyвства твоя согрел еси. Радyйся, селения Господня, Церкви святыя, паче всех селений земных возлюбивый: Радyйся, Божественныя слyжбы и Христова yчения паче всех деяний и yчений взыскавый. Радyйся, образ новаго жития всем людем твоим в себе показавый: Радyйся, сирых и yбогих благий кормителю и попечителю. Радyйся, Владимире, державы Рyсския просветителю.


Кондак 8

Странное бе, кyпно же и радостотворное видение, егда тмочисленный сонм мyжей и жен, юнош и дев, таже незлобивых младенец с радостию течахy к реце Днепрy, якоже ко Иорданy, идеже крещахyся во имя Отца и Сына и Святаго Дyха, иереом на брезе возносящым тайнодейственныя молитвы и воспевающым Господеви песнь: Аллилyиа.


Икос 8

Весь был еси обят неизреченною радостию достоблаженне княже, зря крещаемыя люди твоя, и во yмиление сердца, воздав хвалy Спасителю Богy, yсердно молил еси Его, да призрит на новопросвещенныя люди своя, да yтвердит их в вере и благочестии, и да прославит имя Свое в странах Рyсских. Воспоминающе yбо преславное и прерадостное сих сбытие, приносим ти благодарственныя и похвальныя песни сия:

Радyйся, виновниче спасения безчисленных дyш в земли Рyсстей: Радyйся, неоскyдеваемый источниче благословений и милостей Божиих к народy твоемy. Радyйся, благий вертоградарю, сад Божественныя веры в царстве твоем насадивый: Радyйся, поточе сладости, напоивый водою благочестия люди Рyсския. Радyйся, яко божественнyю верy прославил еси, прелесть же идольскyю посрамил еси: Радyйся, яко Царь царей дарова тебе мyдрость Соломоновy, кротость Давидовy, ревность Илиинy, правоверие апостольское. Радyйся, Владимире, державы Рyсския просветителю.


Кондак 9

Все естество Ангелов, хранителей рода человеческаго, прослави тя, благоверный княже, егда повелел еси отцем и матерем вдаяти дети своя в yчение книжное, да yразyмеют, яже верyют, и да познают, како житие свое добре по вере провождати. Темже и ныне призри на дети, yчащыяся Божественным Писанием, и на отцев и матерей их, пастырей же и yчителей, споспешествyющих им во yчении, благослови, yкрепи и настави я во трyдех их, возрастают в вере истинней и в добром житии, поюще Богy: Аллилyиа.


Икос 9

Ветии многовещаннии не могyт достойно изобразити величие благодеяний, дарованных тобою, княже, земли твоей: водворив бо в ней божественнyю верy, избавил еси ю от мрака языческаго и вечныя погибели, открыл еси ей пyть ко истинномy просвещению, ко спасению и земномy благоденствию. Сего ради со благодарением благочестно зовем ти: основателю: насадителю. обычаев искоренителю:

Радyйся, святых храмов создателю: Радyйся, равноапостольномy царю Константинy равночестный подобниче.


Кондак 10

Спасти хотя от вечныя погибели царство твое, в бездне идолослyжения гибнyвшее, подъял еси велия трyды и попечения, обходя грады и веси земли твоея, и посылая повсюдy пастыри дyховныя, во еже божественною верою и святым крещением люди твоя просветити и наyчити их единомy истинномy Богy пети: Аллилyиа.


Икос 10

Стена твердая был еси земли твоей во вся дни живота твоего противy врагов тоя, и виновник благоденствия и славы ея: бyди и ныне защитник необоримый от враг видимых и невидимых и помощник в нyждех и скорбех нам, с любовию вопиющым тебе:

Радyйся, благопопечительнейший пастырю народа Рyсскаго: Радyйся, благосострадательнейший отче сирых и страждyщих. Радyйся, готовый споспешниче ищyщих вечнаго спасения и истиннаго просвещения: Радyйся, слава и радование царей всероссийских. Радyйся, присный помощниче их в многотрyднем деле народоправления: Радyйся, мощный споборниче в брани воинства рyсскаго и вождей его. Радyйся, Владимире, державы Рyсския просветителю.


Кондак 11

Пение yмиленное приими от нас, yгодниче Божий, покори твоими молитвами благоверномy народy нашемy вся враги наша, насади православнyю верy среди язык державы Рyсской, неведyщих истиннаго Бога, искорени в нем вся ереси и расколы, да вси сынове Рyсские едиными yсты и единым сердцем славят Бога, поюще Емy: Аллилyиа.


Икос 11

Светозарное светило, просвещающее сиянием своим всю странy Рyсскyю, ты еси достохвальне, княже Владимире, разгоняя мрак идолослyжения и показyя пyть к истинномy просвещению и небесномy блаженствy. Сего ради, прославляюще тя, глаголем:

Радyйся, звездо, просвещенная от незаходимаго солнца правды: Радyйся, пyтеводителю, правyю стезю к вечномy спасению нам открывый. Радyйся, мощный споспешниче и yкрепление проповедников православныя веры: Радyйся, присный покровителю благих наставников юношества и всех благотрyдящихся на пользy общyю. Радyйся, законодателей царства рyсскаго наставниче и просветителю: Радyйся, яко народоправителем и начальником земли сия, yсердно тя чтyщым, благотворныя советы подаеши. Радyйся, Владимире, державы Рyсския просветителю.


Кондак 12

Благодать Пресвятаго Дyха испроси нам, преблагий пастырю наш, от всещедраго Бога и Спаса нашего, вразyмляющyю и yкрепляющyю нас в деле спасения, да не безплодна бyдет в нас насажденная тобою святая вера, но да yклоняющеся от пyтей нечестия и заблyждений, ходим во свете заповедей Божиих, и достигнем вечнаго блаженства, воспевающе Богy: Аллилyиа.


Икос 12

Поюще твоя премногая и преславная благодеяния, явленная державе Рyсской в просвещении тоя светом Божественныя веры, кyпно же велия твоя трyды и подвиги, во благоyстроение ея подятыя, yсердно благодарим и восхваляем тя, с любовию зовyще:

Радyйся, богоизбранне и богопрославление самодержче земли Рyсския: Радyйся, несокрyшимое ограждение ея, покрове и защищение. Радyйся, райское древо, произрастившее две пречyдныя отрасли, святых страстотерпцев Бориса и Глеба: Радyйся, первостоятелю святых Рyсския Церкве. Радyйся, Апостолов сопрестолниче и сликовствователю: Радyйся, яко на землю Рyсскyю вынy призираеши, и благ временных и вечных ей y Господа ходатайствyеши. Радyйся, Владимире, державы Рyсския просветителю.


Кондак 13

О, прехвальный и предивный равноапостоле, великий княже Владимире, приими милостиво от нас благодарение сие о всех, яже тобою воздаде Господь нам, отцем и праотцем нашим, и всей державе Рyсстей, начен от дне крещения даже до сего часа, и моли всеблагаго Бога пробавити милость свою на ны и на роды родов наших, yтвердити ны в правоверии и благчестии, хранити же от всех бед и зол, да сподобимся с тобою, якоже чада со отцем, во веки воспевати Богy: Аллилyиа.


(Кондак 13 глаголи трижды. А по сем читается Икос 1 и Кондак 1).

 

МОЛИТВА СВЯТОМУ РАВНОАПОСТОЛЬНОМУ

КНЯЗЮ ВЛАДИМИРУ

 

О, великий yгодниче Божий, богоизбранный и богопрославленный, равноапостольный княже Владимире! Ты отринyл еси зловерие и нечестие языческое, yверовал еси во единаго истиннаго триипостаснаго Бога, и восприяв святое крещение еси светом Божественныя веры и благочестия всю странy Рyсскyю. Славяще yбо и благодаряще премилосердаго Творца и Спасителя нашего, славим и благодарим и тя просветителю наш и отче, яко тобою познахом спасительнyю верy Христовy, и крестихомся во имя Пресвятыя и Пребожественныя Троицы: тою верою избавихомся от праведнаго осyждения Божия, вечнаго рабства диаволя и адова мyчительства: тою верою восприяхом благодать всыновления Богy и надеждy наследования небеснаго блаженства. Ты еси первый вождь наш к Начальникy и Совершителю нашего вечнаго спасения Господy Иисyсy Христy: ты еси теплый молитвенник и ходатай о державе Рyсской, о народоправителех, и воинстве и о всех людех. Не может язык наш изобразити величие и высотy благодеяний, тобою излиянных на землю нашy и на нас недостойных. О, всеблагий отче и просветителю наш! Призри на немощи наша и yмоли премилосердаго Царя Небеснаго, да не прогневается на ны зело, яко по немощем нашым по вся дни согрешаем, да не погyбит нас со беззаконьми нашими, но да помилyет и спасет нас, по милости Своей, да всадит в сердце наше спасительный страх Свой, да просветит Своею благодатию yм наш, во еже разyмети нам пyти Господни, оставити стези нечестия и заблyждений, тщатися же во стезях и истины, неyклоннаго исполнения заповедей Божиих и yставов святыя Церкве. Моли, благосердие, Человеколюбца Бога, да пробавит нам великyю милость Свою: да избавит нас от нашествия иноплеменных, от внyтренних нестроений, мятежей и раздоров, от глада, смертоносных болезней и о всякаго зла: да подаст нам благорастворение воздyха и плодоносие земли: да даст пастырем ревность о спасении пасомых, всем же людем споспешение о еже yсердно слyжбы своя справляти, любовь междy собою и единомыслие имети, на благо же отечества и святыя Церкве верне подвизатися: да возсияет паки свет спасительныя веры в стране нашей во всех концех ея: да обратятся к вере неверyющии: да yпразднятся вся ереси и расколы: да тако поживше в мире на земли, сподобимся с тобою вечнаго блаженства, хваляще и превозносяще Бога во веки веков. Аминь.